"Челси" бош мураббийи Энцо Мареска "Арсенал"га ўтиши айтилаётган вингер Нони Мадуэке ҳақидаги саволга жавоб берди.
Миш-мишларга кўра, клублар аллақачон 23 ёшли футболчи бўйича музокаралар олиб бормоқда, аммо ҳозирча нарх борасида келиша олмаяпти. Битимдан инглизнинг ўзи ҳам манфаатдор, деб тахмин қилинган.
"Мадуэке атрофидаги шов-шув "Палмейрас" билан ўтган ўйин олдидан ҳам бўлганди. Биз уни ярим соатга майдонга туширдик ва у жуда яхши эди. Нони керак бўлганда фойда келтира олишига ҳеч қандай шубҳам йўқ. Умид қиламанки, у барча миш-мишларни енгиб ўтади," - деди Мареска "Флуминенсе"га қарши ўйин олдидан.
