Англия терма жамоаси ва “Кристал Пэлас” ҳимоячиси Марк Гехи фаолиятини АПЛнинг бошқа клубида давом эттириши мумкин, дея хабар беради Give me Sport.
Манбанинг хабарига кўра, футболчига "Ньюкасл" қизиқмоқда. "Магпилар" рақибларидан олдинга ўтишга ва 24 ёшли футболчи учун курашда ғалаба қозонишга ҳаракат қилади. Маркнинг "Кристал Пэлас" билан амалдаги шартномаси келаси йилнинг ўрталарига қадар амал қилади.
Ўтган мавсумда Гехи 44 та ўйинда қатнашиб, 3 та гол ва 3 та голли узатмани амалга оширди. Англиялик футболчининг трансфер қиймати 45 миллион еврога баҳоланмоқда.
