Англиялик вингер Жек Грилиш жорий трансфер ойнасида "Манчестер Сити"ни тарк этиши мумкин. Бу ҳақда The Sun таблоиди журналистлари хабар бермоқда.
Манбага кўра, 29 ёшли футболчининг хизматларига бир қанча клублар қизиқиш билдирмоқда. Гап “Наполи”, “Ньюкасл” ва "Тоттенхэм" ҳақида кетмоқда. Ўз навбатида, "шаҳарликлар" Жек учун 46 миллион евро таклиф қилишса, ундан хайрлашишга тайёр.
Ўтган мавсумда Грилиш "Манчестер Сити"нинг 32 та ўйинида қатнашиб, 3 та гол урди ва 5 та голли узатмани амалга оширди. Жекнинг инглиз топ-клуби билан шартномаси 2027 йилнинг ёзида якунига етади.
