Мадриднинг "Реал" клуби ҳужумчиси Эндрикга Европанинг 5 та клуби қизиқиш билдирмоқда.
Жорий мавсум якунига қадар бразилиялик футболчини Италиянинг "Ювентус" ва "Милан", Германиянинг "РБ Лейпциг" ва "Байер", шунингдек, Испаниянинг "Вильярреал" клублари ижарага олмоқчи, дея хабар беради журналист Экрем Конур.
"Қаймоқранглилар"нинг позицияси ноаниқлигича қолмоқда: баъзи манбалар Мадрид гранди ҳужумчини ўйин амалиёти учун вақтинча бошқа клубга жўнатишга тайёрлиги ҳақида хабар берди, шунингдек, 18 ёшли футболчини олиб қолиш нияти ҳақида ҳам маълумотлар пайдо бўлди.
Эндрик "Реал"га ўтган йилнинг ёзида "Палмейрас"дан ўтган эди. Футболчи 2024/25 йилги мавсумда 37 та ўйинда 7 та гол ва битта голли узатмани ўз ҳисобига ёздириб қўйди.
