“Лестер”нинг собиқ ҳужумчиси, ҳозирда эркин агент мақомидаги Жейми Варди фаолиятини бошқа инглиз клубида давом эттириши мумкин. Бу ҳақда The Athletic хабар бермоқда.
Манбага кўра, "Манчестер Юнайтед" 38 ёшли фахрийни ўз сафига қўшиб олиши мумкин. “Қизил иблислар” Жеймини Расмус Хойлунд ўрнига ўринбосар сифатида кўрмоқда. Даниялик жорий трансфер ойнасида манкунианликларни тарк этиши мумкин.
Жейми Англия Премьер-лигасида жами 342та ўйинда майдонга тушиб, 145та гол урган ва 50та голга ассистентлик қилган.
