"Интер Майами" ҳужумчи Лионель Месси билан янги шартнома имзолашга яқин турибди. Клуб 38 ёшли аргентиналик футболчи камида 2026 йилгача жамоада қолишига ишончи комил.
Девид Орнштейннинг сўзларига кўра, клуб 2026 йилда янги Фредом Парк стадиони очилганда Мессидан "Интер"нинг юзига айланишини кутмоқда.
38 ёшли футболчига анчадан бери Саудия Арабистонининг "Ал-Ҳилол" клуби даъвогарлик қилмоқда, аммо Америка клуби яқин келажакда ҳамкорлик давом этишини расман эълон қилишга умид қилмоқда.
Эслатиб ўтамиз, Лионель Месси "Интер Майами"га 2023 йилнинг ёзида келиб қўшилган эди.













