Италиянинг "Рома" клуби ўзининг янги либоси ғояси билан ўртоқлашди.

"Янги уй либосида 90-йилларнинг бошларида футболкаларда машҳур бўлган сариқ ва қизил ранглар қўлланилган ва дизайни бизнинг энг машҳур Адидас кўйлакларимизни эслатади. Бу анъана ва замонавийликнинг уйғунлиги бўлиб, "Рома" мухлисларининг иштиёқини ёқиш, клуб ўтмишига ҳурмат кўрсатиш ва "Рома" клуби томонидан яратилган энг машҳур либосларни қайта талқин қилиш учун мўлжалланган", деб ёзган клуб матбуот хизмати.

Клуб янги либослар суратларини намойиш этди:

Айтганча, “Рома” илк уй учрашувини 23 август куни “Болоня”га қарши ўтказади.