“Флуминенсе” бош мураббийи Ренато Гаучо Бразилия жамоаси Лондоннинг “Челси” жамоасига қарши ўйнайдиган 2025 йилги клублар ўртасидаги жаҳон чемпионати ярим финалига чиқиш ҳақида гапирди.
"Кўпчилик бизга ишонмади, мана биз ярим финалга чиқдик. Айни пайтда "Флуминенсе" дунёнинг энг яхши тўртта жамоасидан бири. Мен ҳар доим футболчиларга бугун нима қила олишимизни эртага қолдира олмаслигимизни айтаман, чунки бошқа бундай имконият қачон келишини ҳеч қачон билмаймиз. Шунинг учун биз тарих яратишимиз керак ва биз шундай қиляпмиз.
Турнирда ғалаба қозонасизми? Биз орзу қилишда давом этишимиз керак, лекин босқичма-босқич. Биз келган дақиқадан бери бизнинг ёндашувимиз шундай. Биз турнирда ғалаба қозонишни истаймиз, аммо бу қанчалик қийин бўлишини биламиз. “Челси” ҳам биз билан бир нарсани хоҳлайди: финалга чиқиш", - дея Гаучонинг сўзларини келтиради ФИФА расмий сайти.
