“Манчестер Юнайтед” ҳужумчиси Расмус Хойлунд фаолиятини “Рома”да давом эттириши мумкин.
Бу ҳақда инсайдер Жанлука Ди Марцио хабар берди.
Манбага кўра, Рим клуби даниялик форвард бўйича тез орада музокараларни бошлайди.
Хойлунднинг трансфер қиймати 45 миллион еврони ташкил этмоқда.
“Рома” молиявий имкониятидан келиб чиққан ҳолда Расмусни бир мавсумга ижарага олиш таклифини ҳам бериши мумкин.
Эслатиб ўтамиз, Хойлунд 2023 йилнинг ёзида "Аталанта"дан 64+8 миллион фунт эвазига МЮга ўтган эди.













