Ҳужумчи Эндрик яна бир мавсумни минимал ўйин амалиёти билан ўтказиш хавфи остида. Матбуотда бразилиялик футболчи ижарага кетиши мумкинлиги ҳақида мунтазам равишда маълумотлар пайдо бўлмоқда. Хабар қилинишича, "қаймоқранглилар" футболчини мунтазам ўйин амалиётига эга бўладиган жамоага жўнатмоқчи.
Бироқ, Transfer News Live нашрининг The Athletic'га таяниб хабар беришича, Эндрикнинг яқинлари бразилиялик ёзда "Реал"дан кетмаслигини таъкидламоқда.
21 июль куни Эндрик 19 ёшга тўлади. Ёш футболчи "Реал" сафида 37 та ўйинда майдонга тушиб, еттита гол урган. Нуфузли Transfermarkt портали мутахассислари бразилиялик форвардни 35 миллион еврога баҳоламоқда.
