Мадриднинг "Реал" клуби вингери Родриго ёзда Саудия Арабистонига кўчиб ўтиши даргумон.
"Қаймоқранглилар" сафида ўз ўрнини йўқотган 24 ёшли футболчига нафақат Европа грандлари, балки "Ан-Наср" ҳам қизиқиш билдирмоқда. Инсайдер Фабрицио Романонинг ёзишича, бу миш-мишлар ҳақиқатга тўғри келмайди: Родриго фаолиятини Европада давом эттирмоқчи, Саудия клубининг бошқа трансфер мақсадлари эса анча арзонроқ. Шунингдек, Габриэль Мартинеллининг Лондоннинг "Арсенал" клубидан келиши ҳам даргумон.
Маълумот учун, "Арсенал" Родриго учун асосий даъвогар ҳисобланади. Бразилиялик футболчини қўлга киритиш истагида бўлганлар орасида "ПСЖ" ва "Манчестер Сити" ҳам бор.













