Мадриднинг "Реал" клуби марказий ҳимоячиси Рауль Асенсио клублар ўртасидаги жаҳон чемпионатида ўзини кўрсата олмаяпти.
Гуруҳ босқичининг биринчи турида "Ал-Ҳилол"га қарши кечган баҳсда (1:1) испаниялик футболчининг айби билан "қаймоқранглилар" дарвозасига пенальти белгиланди ва саудияликлар уни голга айлантирди. "Пачука"га қарши навбатдаги ўйинда (3:1) 22 ёшли футболчи 7-дақиқадаёқ тўғридан-тўғри қизил карточка олди.
"Пенальтидан кейин жуда қийин бўлди, бундай бошланишини кутмагандим. Ҳамма мени қўллаб-қувватлади. Бу футбол. Фақат ўйнамаган одамгина хато қилмайди. Мен хато қилмоқчи эмасман, лекин агар бу содир бўлган бўлса, ундан фойдали сабоқ олиш керак," - деди Асенсио DAZN билан суҳбатда.
