Франкфуртнинг "Айнтрахт" клуби ҳужумчиси Уго Экитике учун курашда "Ливерпуль" фаворит бўлиб турибди.
23 ёшли футболчига "Челси", "Манчестер Юнайтед" ва Премьер-лиганинг бошқа грандлари ҳам қизиқиш билдирган. Инсайдер Николо Скиранинг маълум қилишича, айни дамда франциялик футболчи учун курашда "Ливерпуль" етакчилик қилмоқда. Ҳужумчининг ўзи аллақачон трансферга розилик берган - у 2030 йилгача мўлжалланган шартнома имзолашга тайёр. Клублар музокараларни давом эттирмоқда.
Transfermarkt мутахассислари Уго Экитикенинг нархини 75 млн еврога баҳоламоқда, аммо "Айтрахт" аввал хабар қилинганидек, ундан кўпроқ - 100 млн евро сўрамоқда. Бундеслиганинг ўтган мавсумида футболчи 33 та ўйинда 15 та гол ва 8 та голли узатмага муаллифлик қилган.
