"Комо" "Марсель" билан ярим ҳимоячи Валентин Ронжье трансфери бўйича музокаралар олиб бормоқда. Бу ҳақда журналист Фабрицио Романо Х ижтимоий тармоғида маълум қилди.
Манбага кўра, италияликлар учун муқобил вариант "Манчестер Сити" вакили Максимо Перронедир. Ўтган мавсумда футболчи "Комо" сафида ижара асосида ўйнаган эди. Ўтган мавсумда 26 та ўйинда Перроне 1 та голли узатмани амалга оширди. Transfermarkt сайти маълумотларига кўра, Максимонинг бозор нархи 12 млн еврони ташкил қилмоқда.
Ронжье 2019 йилдан бери "Марсель"да ўйнамоқда. Ўтган мавсумда 27 та ўйинда футболчи 3 та гол урди ва 1 та голли узатмани амалга оширди. Унинг қиймати 9 млн еврони ташкил этади.
