"Реал"нинг собиқ футболчиси Тони Кроос "Барселона" вингери Ламин Ямалнинг истиқболлари ҳақида гапирди.
Яқинда ўзининг 18 ёшини нишонлайдиган испаниялик ёш, Ханс-Дитер Флик қўл остида "блауграна"нинг асосий юлдузларидан бирига айланди.
"Мен ҳар доим футбол карераси марафон деб айтаман. Келинг, келгуси мавсумларда Ямал билан нима содир бўлишини, майдондан ташқарида содир бўлаётган ҳар бир нарсага қандай муносабатда бўлишини кўрамиз. Муваффақият нафақат ўйинга, балки футболдан ташқари омилларга ҳам боғлиқ. Бу жуда муҳим. Ҳаётнинг турли жабҳаларини назорат қила билиш керак", - дейди Кроос.
Германиялик собиқ ярим ҳимоячи ўтган ёзда фаолиятини якунлаганди.
