Ҳужумчи Виктор Дьёкереш хабарларга қарамай, Лиссабоннинг "Спортинг" клубидан "Арсенал"га ўтмаслиги мумкин. Португалиянинг Record нашри ўз саҳифаларида ёзишича, музокаралар жараёни боши берк кўчага кириб қолган - сўнгги кунларда, якшанбадан бери ҳеч қандай силжиш бўлмади, чунки клублар муросага келишни истамаяпти.
"Арсенал" 27 ёшли Дьёкереш учун бирданига 65 миллион евро + 5 миллион + 10 миллион бонус таклиф қилди. "Спортинг" бирданига 70 миллион евро талаб қилмоқда. Фарқ катта эмас, лекин битим хавф остида.
Эслатиб ўтамиз, Виктор Дьёкереш ўтган мавсумда 52 та ўйинда 54 та гол урган.
