Узоқ йиллар давомида "Локомотив" жамоасини бошқарган мутахассис Мирко Еличич жонажон уйига қайтди.

Австралиялик мураббий ва "темирйўлчилар" ўртасида бир ярим йиллик шартнома имзоланди.

Шунингдек, асосий жамоанинг янги мураббийлар штаби ҳам тасдиқланди:

Мирко Еличич - бош мураббий
Жамшид Саидов, Садриддин Абдуллаев - ёрдамчи мураббийлар
Алишер Ахмедов - дарвозабонлар мураббийи

Мирко Еличич "Локомотив"нинг 3 карра чемпион бўлишида ўзининг катта хиссасини қўшган ва ўша мавсумларда жамоа мураббийлар штабида фаолият олиб борган. Шунингдек, клуб Ўзбекистон Кубоги ва Суперкубогини ҳам айнан Мирко Еличич мураббийлар штабида бўлиб, жамоанинг бошқарувида бевосита иштирок этганида қўлга киритган.
Жамшид Саидов 2021 йилда "Бухоро" жамоасини бошқарган. 2022-2023 йилларда "Локомотив" тизимида фаолият олиб бориб, 2024 йилда "Қизилқум" жамоасини бошқарди ва ишлаган жойларида ўзидан илиқ таассурот қолдирган.
"Локомотив" таркибида 2 марта мамлакат чемпионлиги ва 1 бора Ўзбекистон кубогини қўлга киритган Садриддин Абдуллаев 2021 йилда футболчилик фаолиятини якунлаган ва 2022 йилда "Локомотив"нинг U19 жамоасини бошқарганди. Унинг қўл остида U19 жамоаси 2022 йилда 8-ўрин, 2023 йилда пешқадамдан 2 очко ортда қолган ҳолда 4-ўрин, 2023 йилда 6-ўрин билан якунлаган.