Англиянинг "Манчестер Юнайтед" клуби ўйин олдидан жамоа сардорлари ўртасида вимпел алмашиш ғоясидан воз кечди. Журналист Бен Жейкобс хабарига кўра, янги қоида “Лидс”га қарши мавсумолди ўйинидан бошлаб кучга киради.
Манбага кўра, клуб бу анъанани эскирган ва аҳамиятсиз деб ҳисоблайди. "Қизил иблислар" мавсум давомида тез-тез учрашадиган жамоаларга вимпел совға қилиш мақсадга мувофиқлиги сўроқ остида.
Қайд этилишича, "Манчестер Юнайтед"нинг рақиблари бу хабардан ҳайратда қолишган ва бу чора харажатларни қисқартириш истаги туфайли юзага келган бўлиши мумкин, деб ҳисоблашган.
