"Лион" тарбияланувчиси, ҳозирда Саудия Арабистонининг "Ал-Иттиҳод" клубида ўйнаётган Хуссем Ауар француз клубининг олий дивизиондаги ўрнини сақлаб қолганига муносабат билдирди. Эслатиб ўтамиз, Франция футбол клубларини назорат қилиш ва бошқариш миллий йўналиши (DNCG) "Лион"нинг апелляциясини қаноатлантириб, молиявий муаммолар туфайли жамоани Лига 2га тушириш қарорини бекор қилганди.

Франция жамоасининг собиқ ярим ҳимоячиси Х ижтимоий тармоғидаги саҳифасида учта смайл хабарни эълон қилди: қизил ва кўк юрак ва кафтлар дуога очиб, "Лион" саҳифаси белгиланди.

Хуссем Ауар 2023 йилнинг ёзида эркин агент сифатида “Лион”ни тарк этди ва “Рома”га ўтди. Орадан бир йил ўтиб "Ал-Иттиҳод" футболчининг трансфери учун римликларга 12 миллион евро тўлади.