"Ювентус" раҳбарияти Леверкузеннинг "Байер" ярим ҳимоячиси Гранит Жака билан шартнома имзолашга ҳаракат қилмоқда. Бу ҳақда Football Italia хабар бермоқда.
Манбага кўра, Жака "Милан" билан музокаралар олиб борган ва энди унда "кекса синьора"ни танлаш имконияти бор. 32 ёшли футболчи "Ювентус"га 12-15 миллион еврога тушиши мумкин. Таққослаш учун, шартнома имзолаш учун яна икки номзод Мортен Юльманн ва Флорентино Луиснинг нархи 40 миллион евро атрофида. Жаканинг маош шартлари (мавсумига 3,5 миллион евро) ҳам клуб учун муаммо эмасдек.
Гранит Жака ўтган мавсумда 49 та ўйинда майдонга тушиб, 2 та гол урди ва 7 та голли узатмани амалга оширди.
