“Марсель” клуби “Ювентус” вингери Тимоти Веа учун музокараларни бошлади. Бу ҳақда журналист Николо Скира хабар берди.
Манбага кўра, француз клуби Веага 2030 йилга қадар мўлжалланган битимни таклиф қилган. Томонлар ҳозирда музокараларни давом эттирмоқда.
Америкалик футболчининг “кекса синьора” билан амалдаги шартномаси 2028 йилнинг ёзида якунланади.
Веа ўтган мавсумда Турин клубида барча мусобақаларда 43 та ўйинда 6 та гол ва 4 та голли узатмани амалга оширган.













