Ўзбекистонлик ярим ҳимоячи Нурилло Тўхтасинов фаолиятини Малайзия чемпионатида давом эттиради.
Футболчи 2023 йилнинг ёзидан бери Малайзиянинг “Теренггану” клубида тўп суриб келади. Янги мавсум олдидан 28 ёшли Тўхтасинов шартномасини узайтирган.
Нурилло “Теренггану” сафида ўтган вақт давомида Суперлига доирасида 33 та ўйинда майдонга тушиб, 6 та гол урган.
Трансфермаркт портали футболчининг бозор қийматини 600 минг еврога баҳолаган.













