"Фламенго" ҳимоячиси Уэсли "Зенит"га ўтишдан бош тортди, дея хабар бермоқда журналист Фабрицио Романо.

Манбага кўра, 21 ёшли бразилиялик футболчи Россия клуби таклифини рад этган. Футболчи фаолиятини ўзи музокаралар олиб бораётган "Рома"да давом эттирмоқчи. Римликлар раҳбарияти ва футболчининг вакиллари аллақачон шартнома шартларини келишиб олишган, итальян клуби трансфер суммаси ва тўловлар таркиби бўйича узил-кесил келишиб олиши қолди.

Уэсли "Фламенго" сафида 2021 йилдан буён тўп тепиб келмоқда. У жамоа сафида 133 та ўйинда майдонга тушиб, 18 та сариқ ва 1 та қизил карточка олди, 3 та гол урди ва 5 та голли узатмани амалга оширди.

Transfermarkt портали ҳимоячининг нархини 20 миллион еврога баҳоламоқда.