Лука Модрич "Реал" сафидаги сўнгги ўйинини ўтказди.
Мадридликлар клублар ўртасидаги жаҳон чемпионати ярим финалида "ПСЖ"га (0:4) имкониятни бой бериб қўйди. Хорват ўйиннинг 64-дақиқасида захирадан майдонга тушди.
Аввалроқ, 39 ёшли футболчи турнирдан сўнг Мадрид клубини тарк этишини эълон қилганди.
Модрич "Реал" сафида 2012 йилдан буён тўп тепиб келаётганди. Футболчи мадридликлар сафида 13 йил давомида 28 та чемпионлик унвонини қўлга киритган, шу жумладан, 6 та Чемпионлар лигаси совринини қўлга киритган.
Лука ёзда "Милан"га ўтиши ҳақида хабарлар тарқалган эди.
