Тео Эрнандес "Ал-Ҳилол" билан шартнома имзолади.
Аввалроқ, Саудия Арабистони клуби "Милан"нинг чап қанот ҳимоячиси учун 25 миллион евро тўлаши ҳақида хабарлар тарқалган эди.
Жанлука Ди Марционинг маълум қилишича, 27 ёшли футболчи Парижда тиббий кўрикдан ўтган ва янги клуби билан 3 йиллик шартнома имзолаган.
Франциялик шартнома муддати давомида 60 миллион евро ишлаб олиши мумкинлиги айтилганди.
Ўтган мавсумда Тео А Серияда 33 та ўйинда майдонга тушиб, 4 та гол урди ва 3 та голли узатмани амалга оширди.













