Ҳоқон Чалханўғли "Интер"да қолади.
Аввалроқ, миланликлар "Галатасарой" билан музокаралар олиб бораётгани хабар қилинганди. Ярим ҳимоячининг ўзи ҳам Туркия жамоасига ўтишни истаган.
Бугун Миланда клублар ўртасида учрашув бўлиб ўтди, дея хабар бермоқда журналист Жанлука Ди Марцио. Учрашув якунлари бўйича томонлар келишувга эришмадилар, музокаралар якунланди.
Аввал хабар берганимиздек, Италия клуби Чалхонўғлини камида 30 млн евро товон пули олган тақдирдагина қўйиб юборишга тайёр эди. Бундан ташқари, "нерадзуррилар" агар футболчи мавсумолди йиғини бошланишидан олдин клубни тарк этмаса, уни трансфер бозоридан олиб ташлаши маълум эди.
Энди эса 31 ёшли ярим ҳимоячи сотилмайди ва фаолиятини Италияда давом эттиради.
