Мадриднинг "Реал" клуби дарвозабони Тибо Куртуа Ла Лига президенти Хавьер Тебас ҳақида фикр билдирди.
Испания олий дивизиони раҳбари кўпинча клублардаги вазият ҳақида очиқ гапиради ва кескин баёнотлардан қочмайди.
Яқинда Ла Лига "Реал"нинг 19 август куни ўтказилиши режалаштирилган "Осасуна"га қарши 1-тур учрашувини қолдириш ҳақидаги илтимосини рад этиши ҳақида хабарлар тарқалди.
"Мен бошқа бирорта лига президенти Тебас руҳида гапирганини кўрмадим. У доимо эътиборни жалб қилишга ҳаракат қилади. Умид қиламанки, Ла Лига тақвимга ўзгартириш киритади, ахир дам олиш жуда муҳим. Клублар ўртасидаги жаҳон чемпионати Тебасга ёқмаяпти, аммо у бўлиб ўтди, биз шу ердамиз," - деди Куртуа DAZN билан суҳбатда.
