Мадриднинг "Реал" клуби устози Хаби Алонсо клублар ўртасидаги жаҳон чемпионатида иштирок этиш ўзи ва жамоаси учун қандай фойда келтиргани ҳақида гапирди.
"Қаймоқранглилар" ярим финал босқичида "ПСЖ"дан йирик ҳисобда (0:4) мағлубиятга учраб, соврин учун юришни якунлади.
"Ушбу турнир шахсиятимиз, футболчиларнинг кучли томонлари, жамоа таркиби ва тез орада бўладиган зарур ўзгаришлар ҳақида кўп нарсаларни тушунишимга ёрдам берди. Янги мавсум давомида барчаси бироз бошқача бўлади," - дея "Реал" бош мураббийининг сўзларини келтиради испан ОАВ.
