"Барселона" дарвозабони Войцех Шесни мослашув жараёни қандай кечганини эслади.
"Кўк-анорранглилар" польякни ўтган йилнинг октябрь ойида ўз сафига қўшиб олганди - ундан бир неча ой олдин дарвозабон "Ювентус"ни тарк этиб, фаолиятини якунлаганини эълон қилганди. Январь ойида Шесни Каталония грандининг асосий дарвозабонига айланди ва ички майдонда барча совринларни қўлга киритишга, шунингдек, Чемпионлар Лигаси ярим финалига чиқишга ёрдам берди.
"Мослашувим? Гарчи дастлабки ҳафталарда ўйнамаган бўлсам-да, кийиниш хонаси бошиданоқ қувноқ эди. Майдонга қайтиб, ритмга кирганимда, мен ҳақиқатан ҳам нимададир яхши эканлигимни, ўз умидларимни оқлай олишимни ажойиб ҳис қилдим," - дея 35 ёшли дарвозабоннинг сўзларини келтиради Barca Universal.
Куни кеча Войцех Шесни "Барселона" билан шартномасини 2027 йилгача узайтирди.
