"Барселона" дарвозабони Войцех Шесни ҳозирги жамоаси ўйнаётган футболга қойил қолишдан чарчамаяпти.

Яқинда польшалик "кўк-анорранглилар" билан 2027 йилнинг ярмигача мўлжалланган янги меҳнат шартномасини имзолади.

"Ювентус"да тўпни қабул қилиб олаётганимда, мендан беш метр нарида турган ҳимоячимиз менга орқа ўгирарди - яъни тўп узатишимни истамасди. Бу ерда, "Барселона"да ҳамма тўпни олишни истайди. Педри еттита рақиб қуршовида турибди, аммо барибир тўп сўраяпти," - дея 35 ёшли дарвозабоннинг сўзларини келтиради Barca Universal.

Эслатиб ўтамиз, Войцех Шесни 2017-2024 йиллар давомида "Ювентус" шарафини ҳимоя қилган.