Англиялик ярим ҳимоячи Жордан Хендерсон Амстердамнинг "Аякс" клубини тарк этгани ҳақида фикр билдирди. Томонлар меҳнат шартномасини муддатидан олдин бекор қилишга қарор қилишди.
"Бу клуб билан боғлиқ бўлган барчага чуқур миннатдорчилигимни билдираман. "Аякс"да ўйнаш мен учун шараф эди. Бу ерда ишлаган вақтимда катта муваффақиятлар билан мухлисларни хурсанд қила олмаганимиз жуда ачинарли. Улар яна энг муҳим унвонларни нишонлашга ҳақли. Ишончим комилки, бу вақтлар ҳам тез орада келади", - дейди футболчи.
35 ёшли футболчи амстердамликлар сафида 57та ўйин ўтказган.
