"ПСЖ" вингери Марко Асенсио фаолиятини Туркия чемпионатида давом эттириши мумкин.
Аввалроқ, "Фенербахче" футболчининг трансферини "ПСЖ" билан келишиб олгани хабар қилинганди.
Журналист Яғиз Сабунчўғлининг таъкидлашича, турк жамоаси 29 ёшли испанияликка йилига тўққиз миллион евро маош таклиф қилган. Бироқ, футболчи бу таклифни етарли эмас деб ҳисобламоқда. Қайд этилишича, ҳозирча томонлар музокараларни давом эттирмоқда.
Асенсио 2023 йилнинг ёзида "Реал"дан "ПСЖ"га ўтганди. Парижликлар либосида у 47 та ўйинда майдонга тушиб, 7 та гол урди ва 11 та голли узатмани амалга оширди.
