"Барселона" "Бавария" ҳимоячилари Ким Мин Чже ва Дайот Упамеканога қизиқиш билдирмоқда. Бу ҳақда Х ижтимоий тармоғида журналист Филипп Кесслер хабар берди.
Манбага кўра, "кўк-анорранглилар" спорт директори Деку бу футболчиларнинг кучли томонларини юқори баҳолайди. Бироқ Каталония клуби марказий ҳимоячи Рональд Араухо ва яна бир қанча футболчилар жамоани тарк этсагина Ким ва Упамеканога даъвогарлик қилади. Бундай вазиятда "Барселона" янги ҳимоячиларни рўйхатдан ўтказиш ҳуқуқига эга бўлади.
Упамеканонинг клуб билан амалдаги шартномаси 2026 йилнинг ёзига қадар амал қилади. Ким Мин Чженинг амалдаги шартномаси 2028 йилнинг июнь ойи охирида тугайди.













