Бильбаонинг "Атлетик" клуби ҳимоячиси Йерай Альварес ижтимоий тармоқлардаги саҳифасида ўзида допинг аниқлангани ҳақида фикр билдирди. Европа Лигасидан ўрин олган "МЮ"га қарши ўйиндан сўнг олинган намуна мусбат чиққан.

"Бундай хабарни олиш - ўта оғир зарба," - дейди футболчи.

Футболчи содир бўлган воқеани алопеция (соч тўкилиши) дан даволаниш натижаси билан изоҳлади. Альварес саратон касаллигини енггандан сўнг, турли хил дори-дармонларни қабул қилишга мажбур бўлди. Синчиклаб текширилганда, улардан бирида тақиқланган модда борлиги маълум бўлди. Айни вақтда Альварес вақтинча ўйинлардан четлатилган.

Ўтган мавсумда марказий ҳимоячи сифатида ўйнаётган Альварес барча мусобақаларда 29 та ўйинда майдонга тушиб, 7 та сариқ ва 1 та қизил карточка олган, 2 та гол урган.