"ПСЖ"нинг португалиялик ярим ҳимоячиси Витинья журналистлар билан суҳбатда Лондоннинг "Челси" жамоасига қарши клублар ўртасидаги жаҳон чемпионатида бўлажак финал учрашуви ҳақида гапирди.
Витинья ФИФА матбуот хизматига клублар ўртасидаги жаҳон чемпионатида ғалаба қозониш парижликлар жамоаси учун катта аҳамиятга эга бўлишини айтди. Португалиялик футболчи "ПСЖ" бу мавсумда барча совринларни қўлга киритишни исташини таъкидлади.
"Бу тарихий воқеа бўлади. Биз бу имкониятни қўлдан бой бермаймиз", - дея қўшимча қилди Витинья.
Эслатиб ўтамиз, жорий мавсумда Париж клуби Луис Энрике бошчилигида Франция чемпионлиги, кубоги ва суперкубоги ҳамда Чемпионлар лигасини қўлга киритганди.
