"PSJ"ning portugaliyalik yarim himoyachisi Vitinya jurnalistlar bilan suhbatda Londonning "Chelsi" jamoasiga qarshi klublar o‘rtasidagi jahon chempionatida bo‘lajak final uchrashuvi haqida gapirdi.
Vitinya FIFA matbuot xizmatiga klublar o‘rtasidagi jahon chempionatida g‘alaba qozonish parijliklar jamoasi uchun katta ahamiyatga ega bo‘lishini aytdi. Portugaliyalik futbolchi "PSJ" bu mavsumda barcha sovrinlarni qo‘lga kiritishni istashini ta’kidladi.
"Bu tarixiy voqea bo‘ladi. Biz bu imkoniyatni qo‘ldan boy bermaymiz", - deya qo‘shimcha qildi Vitinya.
Eslatib o‘tamiz, joriy mavsumda Parij klubi Luis Enrike boshchiligida Fransiya chempionligi, kubogi va superkubogi hamda Chempionlar ligasini qo‘lga kiritgandi.
