"Барселона"нинг польшалик дарвозабони Войцех Шесни журналистларга ўз фаолиятида уни энг кўп ҳайратга солган футболчи ҳақида гапирди. Шесни Goal нашрига Педрининг ўтган мавсумда қилган ишларидан қойил қолганини айтди.

Польшалик дарвозабоннинг айтишича, испаниялик ярим ҳимоячининг ҳужум ва ҳимояда ўйинни назорат қилишини кўриш ақл бовар қилмайди.

"Бу менда ўчмас таассурот қолдирган футболчи. Унинг даҳолиги нимада эканлигини билмайман, лекин у ҳеч қачон тўпни йўқотмайди", - дея қўшимча қилди Шесни.

Эслатиб ўтамиз, ўтган мавсумда Педри каталонияликлар сафида Испания чемпионатида 37 та ўйин ўтказиб, 4 та гол ва 5 та голли узатмани амалга оширган.