Франциялик ҳимоячи Тео Эрнандес Саудия Арабистонининг "Ал-Ҳилол" клубига трансфери ҳақида фикр билдирди.
"Саудия Арабистони чемпионатидаги энг йирик клубга ўтганимни эълон қилмоқчиман. Жамоа сафини ғайрат ва шижоат билан тўлдирдим. Жамоанинг маҳаллий лигада етакчи бўлиб қолишига ёрдам бермоқчиман. Илиқ кутиб олган ва қўллаб-қувватлаган мухлисларга катта раҳмат," - дейилади футболчининг ижтимоий тармоқдаги саҳифасида.
Эслатиб ўтамиз, Эрнандес 2019 йилдан буён "Милан" шарафини ҳимоя қилиб келаётган эди. Ўтган мавсумда франциялик футболчи "россонерилар" сафида 49 та учрашувда қатнашиб, бешта гол ва олтита голли узатма муаллифи бўлди.
