"Манчестер Юнайтед"га тегишли бўлган аргентиналик вингер Алехандро Гарначо ҳамон "Наполи"нинг трансфер шорт-листидан жой олган.
The Mirror хабарига кўра, Италия клуби 20 ёшли футболчини сотиб олиш учун тахминан 52 миллион евро ажратишга тайёр. Футболчининг "қизил иблислар" билан амалдаги шартномаси 2028 йилнинг ёзида ўз ниҳоясига етади.
Ўтган мавсумда Гарначо барча мусобақаларда 58 та ўйин ўтказди. Аргентиналик футболчи ўз ҳисобига 11 та гол ва 10 та голли узатма ёздириб қўйган. Transfermarkt портали футболчининг бозор нархини 45 миллион еврога баҳоламоқда.
