Ҳужумчи Николас Жексон жорий трансфер ойнасида Лондоннинг "Челси" клубини тарк этиши мумкин, дея хабар бермоқда The Sun нашри.
Манбага кўра, 24 ёшли сенегаллик ҳужумчида фаолиятини Саудия Арабистони чемпионатида давом эттириш вариантлари бор. Бундан ташқари, Жексон Европада қолиши мумкин. Футболчининг трансферига "Милан" қизиқиш билдирмоқда.
Эслатиб ўтамиз, форвард 2023 йилнинг ёзида Лондон клубига Испаниянинг "Вильярреал" клубидан кўчиб ўтган эди. Ўтган мавсумда Николас "аристократлар"нинг 37 та ўйинида қатнашиб, 13 та гол урди ва олтита голли узатмани амалга оширди.













