Хорватиялик ҳимоячи Борна Соса Англиянинг "Кристал Пэлас" клуби футболчисига айланди. Бу ҳақда клуб расмий сайти хабар тарқатди.
"Кристал Пэлас" "Аякс"дан ўтган хорватиялик Борна Соса билан 2028 йилгача мўлжалланган 3 йиллик шартнома имзолаганини эълон қилишдан мамнун. Майдоннинг ҳар икки томонида ўйинлар натижасига таъсир ўтказа оладиган 27 ёшли чап қанот ҳимоячиси "бургутлар"нинг дарвозабон Вальтер Бенитесдан кейинги иккинчи хариди бўлди.
Сўнгги тўрт йил ичида Соса Хорватия терма жамоаси сафида 26 та ўйинда майдонга тушиб, иккита гол урган. У Хорватия терма жамоасининг тажрибали футболчиси бўлиб, 7 ўйиндан 5 тасида асосий таркибда майдонга тушиб, 2022 йилда Қатарда бўлиб ўтган жаҳон чемпионатида учинчи ўринни эгаллаган," - дейилади клуб хабарида.
