L'Equipe нашри тарқатган хабарга кўра "Астон Вилла" "Брест" дарвозабони Марко Бизот учун курашда пешқадамлик қилмоқда.

Келаси ёзда француз клуби билан шартномаси якунланадиган нидерландиялик футболчи жамоасини тарк этишга тайёргарлик кўрмоқда. Бирмингем клуби ушбу трансферга жиддий қизиқиш билдирмоқда ва "Астон Вилла" ҳамда "Брест" ўртасидаги музокаралар қизғин тус олмоқда.

Бизот Эмилиано Мартинесга асосий дарвозабон сифатида тўғридан-тўғри рақобатчи бўлмаслиги кутилмоқда. Манбага кўра, дарвозабонга Саудия Арабистони клублари ва АПЛнинг янги аъзоси "Лидс" ҳам қизиқиш билдирмоқда, аммо айни дамда айнан "Астон Вилла" фаворит бўлиб турибди.

Эслатиб ўтамиз, Бизот 2024/25 йилги мавсумда "Брест" сафида барча мусобақаларда 41 та ўйин ўтказиб, 68 та гол ўтказиб юборган ва 12 марта ўз дарвозаси дахлсизлигини сақлаб қолган.