CalcioMercato нашри тарқатган хабарга кўра Аргентина терма жамоаси ҳимоячиси Николас Тальяфико "Рома"га ўз хизматларини таклиф қилган.

33 ёшли футболчи "Лион" билан шартномаси тугаганидан сўнг, ҳозирча эркин агент бўлиб турибди. Тальяфико фаолиятида янги чақирувларга интилмоқда ва унинг агенти Рим клубига футболчининг хизматларини таклиф қилди. У "Рома" ҳимояни кучайтириш учун вариантлар излаётгпнини билади.

Тальяфико римликлар таркибида муҳим тажриба олиб келиши мумкин эди, аммо муаммо унинг молиявий талаблари бўлиши мумкин: ўтган мавсумда у "Лион"да йилига 2,5 миллион евро соф даромад олган.

Қўшимча қиламизки, Тальяфико "Лион" сафида барча мусобақаларда 102 та ўйинда майдонга тушиб, 9 та гол урган ва 10 та голга ҳаммуаллифлик қилган.