Фабрицио Романонинг сўзларига кўра, "Тулуза" ҳимоячиси Чарли Крессвеллга ёзда жамоани тарк этишига рухсат беради. Англия U-21 терма жамоаси футболчисига аллақачон Премьер-лига ва Италия А серияси клублари қизиқиш билдиришган.

Марказ ҳимоячиси ўтган ёзда 4,5 миллион евро эвазига Франция жанубига кўчиб ўтди. Янги клубидаги оғир стартдан сўнг, инглиз футболчиси мослашиб, асосий таркибда ўзини намоён қилди.

Хабарларга кўра, "Тулуза" уни сотишга тайёр ва у билан 2028 йилгача шартнома тузилганини ҳисобга олсак, яхши даромад олиши мумкин.

2024/25 йилги мавсумда Крессвелл “Тулуза” сафида барча турнирлар доирасида 34 та ўйин ўтказиб, 4 та гол урган ва 2 та голга ассистентлик қилган.