Ҳужумчи Виктор Дьёкерешнинг келажаги ноаниқлигича қолмоқда. 27 ёшли швециялик ўзини "Арсенал"да кўрмоқчи, аммо "Спортинг" лондонликлар таклифини ҳалигача қабул қилгани йўқ.
The Athletic хабарига кўра, Дьёкереш бойкот эълон қилган - у "Спортинг" билан мавсумолди тайёргарликка киришмоқчи эмас. Футболчи аллақачон клуб президенти Фредерик Варандашга жамоада бошқа ўйнамаслигини маълум қилган.
Дьёкереш ўзини хиёнатга учрагандек ҳис қилмоқда, чунки Варандаш уни 60 миллион евро + 10 миллион бонус эвазига қўйиб юборишга ваъда берган. "Арсенал" аллақачон кўпроқ таклиф қилмоқда, аммо "Спортинг" ҳали ҳам трансферга "яшил чироқ" ёқмади.
