"Бешиктош" "Тоттенхэм"нинг собиқ ҳимоячиси билан шартнома имзолаш устида ишламоқда.

Нуфузли инсайдер Фабрицио Романонинг маълум қилишича, турк клуби вакиллари 28 ёшли ўнг қанот ҳимоячиси Кайл Уокер-Питерснинг агентлари билан музокаралар олиб бормоқда.

2024/25 йилги мавсум охирида унинг "Саутгемптон" билан шартномаси тугади, шунинг учун инглиз ҳозирда эркин агент.

Ўтган мавсумда Кайл Уокер-Питерс "Саутгемптон" сафида барча мусобақаларда 35та ўйин ўтказиб, 2та голга ассистентлик қилган. Машҳур Transfermarkt портали унинг нархини 15 миллион еврога баҳоламоқда.