"Барселона" "Камп Ноу" стадионини кенг кўламли реконструкция қилмоқда. Тез орада Ханс-Дитер Флик жамоаси янгиланган аренада ўйнай бошлайди, аммо ишлар ҳали давом этади. Янги "Камп Ноу"нинг тўлиқ очилиши 2026/2027 йилги мавсум олдидан - том ўрнатилгандан сўнг бўлиб ўтади.
Тантанали очилиш маросими доирасида "Барселона" Лионель Мессини шарафламоқчи. Mundo Deportivo хабарига кўра, каталонияликлар Мессини 2026 йилнинг ёзида янги "Камп Ноу"нинг очилиш маросимига таклиф қилишни режалаштирмоқда.
"Барселона" молиявий муаммолар туфайли 2021 йилнинг ёзида Лионель Мессига янги шартнома таклиф қила олмаганди.
