Жума куни Муҳаммад Кудус "Тоттенхэм" футболчисига айланди. Битим 63,8 млн еврога баҳоланмоқда. Transfermarkt портали таъкидлашича, Кудуснинг трансфери Лондоннинг "Вест Хэм" клуби тарихидаги иккинчи энг қиммат сотув бўлди.
Шундай қилиб, "болғачилар" 2023 йил ёзида фақат битта ўйинчи - Деклан Райс учун кўпроқ пул олишган. Ўшанда "болғачилар" ўз тарбияланувчиси учун Лондоннинг "Арсенал" клубидан қарийб 117 млн евро олганди.
"Вест Хэм" тарихидаги учинчи энг қиммат сотув - Димитри Пайе, уни "болғачилар" бир неча йил олдин "Марсель"га 29,3 млн еврога сотишганди. Тўртинчи ўринда 15 йил олдин "Манчестер Сити"да 29 млнга сотилган Карлос Тевес.
