Италиянинг "Кальяри", "Милан", "Лацио" ва ҳатто Туриннинг "Ювентус" каби бир қатор клубларининг собиқ ҳужумчиси Алессандро Матри Антонио Конте қўл остидаги машғулотларда қанчалик қийналгани ҳақида сўзлади.
Маълум бўлишича, Конте жисмоний тайёргарликнинг чинакам ишқибози бўлиб, ўйинчиларни ҳолдан тойгунча югуришга мажбур қилар экан.
"Конте фақат жисмоний тайёргарликни эмас, балки кўзлар юмилган ҳолда, мушак хотираси даражасидаги футболни ҳам талаб қиларди. Унинг барча талаблари шу қадар автоматлаштирилган эдики, мен қисқа вақт ичида тўққиз килограмм вазн ташладим. Конте сени бутунлай янги жисмоний тайёргарлик даражасига олиб чиқади," - деди Матри.
Туриннинг "Ювентус" клуби сафида Матри 93 та ўйинда 31 та гол урган, яъни ҳар уч ўйинда ўртача битта гол киритган.
