Томас Мюллер узоқ йиллик фаолиятидан сўнг "Бавария"ни тарк этди. Сўнгги пайтларда матбуот тажрибали ҳужумчини MLS клублари билан фаол боғлаб келаётган эди. Аммо Мюллерда Европа футболида вариант пайдо бўлди.
Goal порталининг Mein Bezirk'га таяниб хабар беришича, 35 ёшли Мюллерга Венанинг "Рапид" клуби таклиф билан чиққан. Австрия клуби ҳозирда "Бавария"нинг собиқ футболчисига йилига 3 миллион еврогача тўлашга тайёр. MLS'дан таклифлар анча камтарона - йилига 1,7 миллион евро.
Аввалроқ Томас Мюллер Германия ташқарисидаги вариантлар унинг учун устувор бўлиши ҳақида гапирганди. Мюллер "Бавария" сафида 756 та расмий ўйин ўтказган.













